Etiketa honen artxiboa: Korrika

21.Korrikaren mezua: euskaraz egin, eragin eta egin arazteko deia

Atzo Gasteizen egin zituen azken pausuak 21.Korrikak. Maialen Lujanbio bertsolari eta Euskal Herriko txapeldunak idatzi du hamaika egunez sekretupean eta Korrikako lekukoaren barruan egon den mezua. Hitzak josten eta ideiak transmititzen abila da, benetan, Lujanbio. Bideoaren lehen minutuetan eta beheko testuan duzue bere mezua; euskara gizartearen ardatzean egon behar dela dio, hain sinple baina hain konplexu.

Bertsoak eta herri bazkaria, besteak beste, Durangon 21.Korrikari harrera egiteko

Apirilaren 13an, amaitu bezperan, helduko da Korrika Durangora, arratsaldeko 18:55ean. Egun horretarako egun osoko egitaraua prestatu du korrika batzordeak, bazkaria ere tartean, eta txartelak salgai daude! Aurretik ere Korrikaren inguruan herria girotzeko ekitaldiak izango ditugu:

  • APIRILAK 11, OSTEGUNA

19:00etan, Bertso Korrika Plateruenan: Onintza Enbeita, Manu Goiogana, Aitor Bizkarra eta Gorka Pagonabarraga. Gai-jartzailea: Leire Vargas.

  • APIRILAK 12, OSTIRALA

Goizean, Korrika Txikia Durangoko kaleetatik: Jesuitetan hasiko da, eta ikastetxez ikastetxe joan eta gero, Kurutziaga ikastolan amaituko da.

  • APIRILAK 13, LARUNBATA

12:00etan, triki poteoa, Andra Marian hasita.

14:30ean, Korrika Bazkaria Plateruenan. Tiketak salgai daude AEK-ko Abarrak euskaltegian. (Nagusien menua 15 € eta umeena 6€), Bazkalostean, jolasak eta euskal kanten bingoa.

18:55ean, KORRIKA!

 

Korrika badator! Parte hartu ‘Egin klika!’ lehiaketa berezian!

Aste bi barru, apirilaren 4an irtengo da Garestik 21.Korrika. Ehundaka kilometro egin eta gero, Durangora apirilaren 13an helduko da, 19:00ak inguruan, eta biharamunean, apirilaren 14an iritsiko da helmugara: Gasteizen jai erraldoi batekin agurtuko dute euskararen aldeko lasterketa. (Hemen duzue 21.Korrikako ibilbidea)

Korrika datorrela eta, lehiaketa berezia antolatu dugu aurten. Bost galdera hauek erantzuteko prest? Erantzuten duzuenon artean Korrikako materiala eskuratzeko 50 euroko bonoa zozkatuko dugu!

Erantzuteko, post honetan iruzkina idatzi dezakezue edo trebatzailea@durango.eus helbidera bidali erantzuna.

Korrikaren lekukoa gure eskuetan!

Pasa den ostiralean, eguzkia lagun, 20. Korrikari ongietorria eman genion udaleko langileok eta Udal Euskaltegiko ikasleek. Giro ederra izan genuen, eta hemen dituzue argazkiak, nerbioz eta adrenalinaz betetako momentuen erakusgarri! Korrika joan da, eta orain guri egunero lan egitea dagokigu. Aurretik, oporrak. Ondo-ondo pasa, eta laster arte!

 

Korrikak 2.000 kilometro inguru egin ditu, eta badator Durangaldera!

Pasa den ostegunean Otxandiotik abiatu zen euskararen aldeko lasterketa, eta gaur arratsaldean izango dugu gurean. Gogoratu plana:
– 17:45: Andra Marian, familia argazkia lekukoa eroango dugun guztiokin
– 18:00: Gambrinus tabernara joango gara
– 18:30: Lekukoa hartuko dugun lekurantza joango gara; Sasikoa kalean, Frai Juan Zumarraga institutu atzean.

Korrika pasa eta gero, Durangon plan polita dago:
– 19:30: Triki-batukada poteoa Andra Maritik hasita.
– 21:30: Korrika afaria Plateruenean. Nagusiek 15 euro, umeek 6. Txartelak Plateruenean eta Abarrak euskaltegian.
– 23:00 Korrika Jaia. Dj. Bull.

Atzo, beroketak egiteko, Durangoko ikasleek Korrika Txikian parte hartu zuten. Herriko kaleetatik arineketan egin eta gero koreografia dantzatu zuten Landako Gunean.

Eta amaitzeko, 20.Korrikak orain arte utzi dituen irudi polit batzuk hemen:

Karkarren, ostadarra lagun

Goizaldean ere beti dago norbait Korrikan. Murillo de las Limas

Euforiaz saltoka Nafarroan

Barakaldon, lekukoa, padel surf-ean

AEK-ko lagunak Korrika.eus-eko atal honetan dabiltza argazkiak zintzilikatzen.

Gozatu Korrikaz, eta gero arte!!!

Korrikaren hasiera eta Durangorako planak

Urtza Errazti, atzo, Korrikako lekukoa hartzen lehena, Otxandion.

Badabil Korrika; badabiltza, tipi-tapa gelditu barik. 20. Korrikak bere bidea hasi zuen atzo Otxandion. Datorren asteko igandean, apirilaren 9an helduko da Iruñera, eta Durangotik, dakizuen bezala, astebete barru, apirilaren 7an pasako da.

Udaleko langileon kilometroan lekukoa nork eroango duen erabakitzeko bozketa egin dugu asteon, eta 44 pertsonen botoak jaso ditugu! Puntu gehien hiru lankide hauek jaso dituzte: Maite Euba, Nagore Uribe-Etxeberria eta Esteban Urain! Zuek hirurok izango duzue, beraz, Korrikako lekukoa eroateko ohorea. Zorionak!!

18:45 aldera sartuko da Korrika Durangora, eta ordubete lehenago, 17:45ean familia argazkia aterako dute Andra Marian. Udaletxean elkartu eta batera joan gaitezke Andra Mariara, eta gure kilometrorantza, Sasikoa kalera. Badator!!

DURANGOKO EGITARAUA – apirilak 7, ostirala

17:45 – Familia argazkia Andra Marian
18:45 – Korrika badator
19:30 – Triki-batukada potoea Andra Mariatik hasita
21:30 – Korrika afaria Plateruenan. Nagusiek 15 euro, umeek 6. Txartelak salgai daude Plateruenan eta Abarrak euskaltegian.
23:00 – Korrika Jaia, Dj Bull

Korrikako lekukoa Sasikoa kalean hartuko dugu. Nork? Bozka ezazu!

20.Korrika ostegun honetan hasiko da Otxandion, eta Durangora etorriko denerako dena prest dago! Apirilaren 7an, ostirala, helduko da Korrika Durangora, 18:45 aldera. Herri barruko ibilbidea zatitu dute, eta udaleko langileok Sasikoa kalean hartu behar dugu testigua, Frai Juan Zumarraga institutu atzean. Hona hemen planoa:

Ikusten duzuenez, udal arduradunek pasako digute lekukoa. Baina nork eroango du? Duela urte bi bezala, hauteskundeak egingo ditugu lekukoa zer bi pertsonek eramango duten erabakitzeko. Lotura honetan dituzue hautagaiak, eta hiru pertsona aukeratu behar dituzue; bati hiru boto eman, besteari bi, eta hirugarrenari boto bat.

Ostegunera arte -15:00ak- edukiko duzue aukera botoa emateko, eta ostiralean emango dugu emaitzen berri, blogean.

Korrika egunean bertan 18:00ak aldera geratu era arineketan egin aurretik tragotxo bat hartzeko hitzordua egingo dugu.

KORRIKA KULTURALA

Bestalde, aipatu behar dugu asteon ekitaldi bi izango ditugula Durangon, Korrika Kulturalaren baitan:

Korrikako errifa eta gure lekukoa. Nork eroango du?

Kaixo, guztioi!

Agertu da Korrikako errifaren irabazlea! Udaltzaingoko Imanolek lortu du saria, 122 zenbakiarekin. Zorionak, Imanol!!

Eta, berriro ere, eskerrik asko errifak saltzen eta erosten parte hartu duzuen guztioi!!

Orain apirilaren 7ari begira jarri behar gara: nortzuk egongo gara gure kilometroan arineketan egiteko? Oraindik izena eman ez baduzu, bidali mezua trebatzailea@durango.eus-era. Martxoaren azken astean “hauteskundeak” egingo ditugu, udaleko langileen lekukoa nork eroango duen erabakitzeko!

Gogoratu, apirilaren 7an, 19:00ak bueltan helduko da Korrika Durangora. Laster izango dugu ibilbidearen berri!

Badugu Korrikako errifen zenbaki sariduna

Eguerdi ostean egin dugu zozketa, Euskara eta Kultura Sailean. Hementxe duzue zozketaren unea:

Beraz, 122 da zenbaki sariduna! Zenbaki horren jabeakKorrikako materialean gastatzeko 75 euroko bonua eskuratuko du.

Gure kalkuluen arabera, Udaltzaingoan saldutako txarteletako bat da. Asteazken arratsaldean irabazlea oraindik agertu ez bada, berriro egingo dugu zozketa.

Eskerrik asko lankide boluntarioei!

Udaleko langileok eta Korrika

Hasi gara apurka-apurka 20.Korrikarako motorrak berotzen! Taldetxo bat sortzen gabiltza apirilaren 7an udal langileon testigua eroateko, eta datorren astean kilometroa erosteko errifak saltzen hasiko gara!

Hona hemen Korrikako prestaketetako egutegia:

  • Datorren astean, zozketarako txartelak saltzen hasiko gara. 300 txartel jarriko ditugu salgai, 2 eurotan. Saria Korrikako materiala erosteko 75 euroko bonua izango da.
  • Martxoaren 13an egingo dugu zozketa
  • Martxoaren 22tik 24ra lekukoa nork eroango duen erabakitzeko bozketa egingo dugu.

Beraz, egiteko bi dauzkagu: errifak saltzea eta apirilaren 7ko taldea sortzen jarraitzea. Zozketarena martxan jartzeko datorren astean jarriko gara zuekin harremanetan.  Parte hartzeko prest zaudete? Horrela bada, edo edozein iradokizun/ideia helarazi gura baduzue, idatzi trebatzailea@durango.eus helbidera!