Etiketa honen artxiboa: grafikoak

Astiro-astiro, gorantza doaz euskararen erabilera eta ezagutza EAEn

Bost urterik behin egiten den Inkesta Soziolinguistikoaren EAEko datuak plazaratu berri dituzte. Ikerketaren arabera, euskaldunen kopurua hazi egin da azken bost urteetan, eta EAEko biztanleen erdiak baino gehiagok euskaraz ulertzen du.

ezagutzaren-gaztaia

(*Euskaldun hartzaileak= euskara ulertu bai baina berba egiteko gai sentitzen ez direnak)

16 urtetik gorako herritarrek erantzun dute inkesta, eta biztanle guztiak kontuan hartuz gero, euskaldunen portzentajea altuagoa izango zela azaldu du Patxi Baztarrika Hizkuntza Politikarako sailburuordeak. Izan ere, gaur egun, 16 urtetik beherako gazte eta umeen
% 73.1ek D ereduan ikasten du EAEn.

Azken hogeita bost urteetako datuak kontuan hartuta, horrela hazi da euskaldunen kopurua:

ezagutzaren-bilakaera

Eskola paper garrantzitsua izaten ari da euskararen biziberritzean. Gaur egun, 16 eta 24 urte arteko adin-tartean dago euskaldun gehien (%71.4). Orain dela 25 urte, berriz, adin-tarte euskaldunena 65 urtetik gorako pertsonena zen.

vi-inkesta-soziolinguistikoa-adinaren-arabera

EAEko etxeetan ere gero eta euskara gehiago transmititzen da, inkestaren arabera. Duela 25 urte gazteen %20,4k erantzun zuen bere lehen hizkuntza euskara edo euskara eta gaztelania zirela. Gaur egun, %33,3k.

transmisioa-lehen-hizkuntzaren-bilakaera

Erabilerari dagokionez, egunerokotasunean gaztelania erabiltzen dutenen portzentajea oso handia da oraindik:

erabileraren-gaztaia

Hala ere, gorantz doa portzentaje hori, astiro-astiro bada ere. Inkesta erantzun dutenen %20,5ek esan du euskara erdara beste edo gehiago erabiltzen duela. Datozen urteotako erronka kopuru hori handitzea eta jendea erabiltzera animatzea izango da.

erabileraren-bilakaera

‘Euskara eta lana’ galdetegiko emaitza batzuk

Uztailean diseinatutako ‘Euskara eta lana’ galdetegiko emaitza batzuk konpartitu gura ditut zuekin. Guztira 38 lagunek erantzun dituzue galderak, eta ondorio interesgarriak daude, adibidez, ondoko grafiko hauetan:

1-euskaraz-berbetan-eroso

Galdetegia erantzun duten langile gehienak euskaraz eroso xamar ibilitzen dira berba egiterakoan, baina idazterako orduan, grafikoko koloreak aldatu egiten dira. Laurdenak baino gehiagok euskaraz idazterakoan ziurgabetasunen bat izaten duela azaldu du, eta % 13,2k ez dela batere eroso sentitzen. Astiro-astiro eta etsi gabe egin beharreko pausuak dira, eta animo denoi! Gu, Euskara Zerbitzuko kideok laguntzeko gaude.

2-euskaraz-idazten

Euskara lantzeari buruz, ikastaroren bat jaso ahal izateko asti falta nabarmendu dute galdetegia erantzun duten langile askok. Horrez gain, erdiak baino gehiagok lanketaren bat egingo lukeela dio. Oraingoz ‘5 minutuko ikastaroak’ izaten dira formazio aldetik gure eskaintza, baina sortu daiteke bestelako ikastaroren bat egiteko aukera. Proposamenak izanez gero, bidali birritan pentsatu barik!

3-euskara-landu-nahi

Azkenik, hizkuntza ohituren inguruko grafikoa hemen. Horia da zati handiena, euskara eta gaztelania antzera erabiltzen dutela erantzuten dutenen gazta zatia. Apurka-apurka, euskara lankideen arteko hizkuntza izateko pausuak ematen gabiltza, eta elkarren artean egingo dugu! Bihar ez, ezta etzi ere, baina baietz urte batzuk barru beste kolore batzuk ikusi!

4-lankideen-arteko-ohiturak

Sei astez euskaraz aritzeko erronka hasi dute bigarren eta hirugarren pisuan

talde-lana

Martxan da Ostadarra lehiaketa! Bulego Teknikoan eta udaletxeko 3.pisuan erronka berezi bati ekingo diote gaur: sei astez, euskaraz berba egiteko izango dituzten aukera guztiak aprobetxatzen saiatuko dira.

Solairu bakoitzean hiru taldetan banatu dira langileak, eta egunerokotasunean ahalegin hori egiteaz gain, belarriak tente edukiko dituzte, aste amaieran beste taldeen jarduna baloratu beharko dutelako. Norbanakoen ahalegina ere sarituko dute, jakina baita beti eta guztientzat ez dela erraz-erraza izaten lanean euskaraz aritzea. ANIMO GUZTIOI, ETA ONDO PASA JOLASEAN!

Durangoko euskararen datu batzuk
Lehiaketa hasi aurretik motibazio saiotxo bat egin genuen, eta, bertan, Durangoko datu soziolinguistiko batzuk errepasatu genituen. Bloga datuok gogoratzeko leku aproposa da.

Eustatek argitaratu dituen azken datuen arabera, hauxe zen, 2011n, Durangoko euskararen ezagutzaren grafikoa:

Durangoko euskararen ezagutza1

Agian batzuri zalantza bat sortuko zitzaizuen: zeintzuk dira elebidun hartzaileak? Bada, euskaraz ondo moldatu ez arren, ulertzeko gai direla adierazi duten durangarrak dira. Honek, zera esan nahi du:

Durangoko euskararen ezagutza2

Euskaraz ulertuak izateko probabilitate nahiko handia dagoela Durangon!

Erabilerari dagozkion datuak, ordea, ez dira hain onak: 2011ko Eustaten ikerketan, durangarren % 31k adierazi zuen erabiltzen zuela euskara etxean.

Denon esku dago, pausoz pauso, konplexuak atzean utzita, eta bakoitzaren gaitasunak apurka hobetzen, erabileraren datuak igotzea. Administrazioan ez da beti erraza izaten, baina bakoitzak bete ahal dituen helburuak jarrita, bagoaz aurrera bidean!