Etiketa honen artxiboa: eguna

‘Eguna’ euskarazko lehen egunkariak, 80 urte

1937ko urtarrilean, Espainiako Gerra Zibila bete-betean zela jaio zen Eguna egunkaria, euskarazko lehen egunkaria. EAJ izan zen sustatzaile nagusia, eta sei hilabetez iraun zuen Egunak. Gerra baten jaiotako egunkaria izanik, gertatzen ari zenaren berri emateaz gain, egunkariaren helburua soldaduei animoak ematea ere bazen.

Irudi honetan Durangoko bonbardaketaren kronika duzue. Hain justu, Augustin Zubikarai kazetaria Durangon izan zen egun horretan, eta bertan bizitakoak kontatzen ditu kronikan, sentsazionalismo puntu batekin.

Egunaren aleak digitalizatuta daude, eta lotura honetan dituzue kontsultagai.